قصيدة: ضلع النير


قصيدة: ضلع النير



 ضلع النير

هب الهوى ما هز ضلع النير
لو هب من كل اتجهاتي

يعّجز اللي يطلعونه سير
راسي ويركي للثقيلاتي

مثل الرجال اللي لهم تقدير
درعي الا جات المطماتي

احدن معه للكايده تسخير
غيره يصيح من الصغيراتي

النص واضح مايبي تفسير
موجز وتفصيله بالابياتي

الهرجه اللي مالها تبرير
من ناقصً لا قدر وجاتي

ارفع مقامك ماتبي تفكير
القول ما يبغي له اثباتي

مادام لك قدرً بصدر الغير
خصً رفيعين المقاماتي

ردك على الناقص خطا ويصير
منزال قدرك للطيمناتي

طنش ولا تنزل لعقل صغير
طوّل الحكي يفوقه اسكاتي

سفهه يزيدك قدرً وتوقير
وردك يفرج عنه حسراتي

عرض كلامه للهوى ويطير
لا يلحقك لجله ملاماتي

كلمات: عبدالله راشد الفرشان